احببت ان اتحدث عن الكويت وهى محل اقامتى الان, سأحاول ان اكتب موضوع عنها واتمنى ان يكون شامل وجامع لكل ما نحتاج لمعرفته الكويت هى احدى الدول العربيه الخليجية التى يقوم اقتصادها على البترول, من وجهة نظرى هى جميله جدا ولكن مشكلتها انها صناعيه, بمعنى انك لا تتمتع بالمناظر الطبيعيه دائما ولكن تجد كل شىء وكأنه صناعى حتى الاشجار فى الشوارع , وعلى الرغم من هذا فانا احبها جدا واشعر بسعاده كبيره لانى قد حصلت على فرصه العمل بها فى الكويت تستطيع ان تعيش مرتاح بعض الشىء بأقل القليل ولكن فى بعض الدول الاخرى ومنها مصر صعب ان تعيش مستريح الا لو امتلكت الكثير وايضا هذا امر
مشكوك به
معلومات من ويكيبيديا
دولة الكويت، دولة تقع في الركن الشمالي الغربي للخليج العربي الذي يحدها من الشرق، ويحدها من الشمال والغرب جمهورية العراق ومن الجنوب المملكة العربية السعودية، وتبلغ مساحتها الإجمالية 17,818 كيلومتر مربع ( مساحه الغردقه تقريبا) بإجمالي عدد السكان يزيد عن الثلاثة ملايين نسمة،( السكان من اهل الكويت ومن الوافدين الاجانب يعنى )(تقريبا نفس سكان المنوفية ) وترجع تسمية الكويت إلى تصغير لفظ "كوت" أي "اكويت"، وتعني كلمة كوت الحصن أو القلعة وقد شيد بالقرب من الساحل في القرن السابع عشر ميلادي.
السكان
يعيش فى الكويت من اهلها حوالى المليون والنصف والباقيين ( 2 مليون ) من الوافدين,والكويتى هو من يحمل شهادة الجنسيه الكويتية وهما متنوعين, فمنهم من حصل عليها عن طريق التأسيس يعنى كان موجود وقت تأسيس الدولة, ومنهم من حصل عليها عن طريق التجنيس, وللعلم الجنسيه الكويتيه لا يمكن الحصول عليها الا بشروط قاسيه جدا تكاد لا تنطبق على احد, وايضا لا يمكن للكويتى ان يحصل على جنسيه اخرى والا تسحب منه الجنسيه الكويتية
اما الوافدون فهم من كل جنسيات العالم وعلى رأسهم الجاليه المصرية والجاليه الهندية ومن بعدهم الفلبينيين والبنغال والامريكان والسوريين واللبنانيين والعراقيين واخرون
السكن والمناطق
تنقسم الكويت الى 6 محافظات وكل محافظة تنقسم الى عده مناطق, والاكثر شعبيه هى المناطق, حيث ان كل شخص يعرف منطقته جيدا وقد يكون لا يعرف اى محافظة يتبع.
اما المناطق تنقسم الى مناطق للكويتيين ومناطق للغير كويتيين,, مناطق الكويتيين كلها فلل تقريبا
مناطق الغير كويتيين مليئه بالعمارات وتقريبا كل عماره 10 ادوار ومن المعروف ان كل عماره يحيط بها اكتر من 2 بقال وجاهزين كمان يوصلوا لك طلباتك ديلفيرى ,وكمان بيبقى قريب منك جمعيه استهلاكيه تقدر تشترى منها اكلك وشربك وكل حاجة تقريبا ممكن تحتاجها
انا عايش فى منطقه السالمية وماشاء الله هى من اجمال مناطق الكويت وخاصه قربها من الخليج ( البحر) يعنى عامل لها جو جميل
اغلى شىء فى الكويت هو ايجار الشقق ودا حسب المنطقة طبعا, معظم الشقق هنا هى اوضه وصاله وبيكون اشتراك المياه والكهرباء والصيانه على صاحب العماره, ودا طبعا بيختلف من عماره لاخرى
التنقلات والمواصلات
من السهل جدا انك توصل اى مكان فى الكويت وبسهولة, كل الطرق لها ارقام واسماء معروفه سواء كانت الطرق الكبيره السريعه او الشوارع الصغيرة بين العمارات
التنقل فى الكويت بيتم عن طريق سيارتك الخاصه او الاوتوبيسات او التاكسى
السياره الخاصه سهل تجيبها فى الكويت بس الشىء الصعب هو الحصول على رخصه القيادة ودى حلم ليا ولكثيرين
الاوتوبيسات بقى عباره عن شركتين ,شركه كى بى تى سى ودى حكومية واخرى شركه سيتى باص ودى خاصه والاتنين احسن من بعض والحمدلله, انا بفضل سيتى باص, والاتنين سعرهم واحد وهو 200 فلس للتذكرة
اما التاكسى بقى فهو موجود دايما ومعظم السائقين من المصريين والسوريين والهنود والايرانيين ورأيي فى التاكسى انه اكتر شىء بياكل فلوس من الواحد :)
العمل
الحمدلله يتواجد فى الكويت وظائف كتير بس المهم تكون بتناسبك او مستعد تخليها تناسبك, يعنى الشغل هنا فى اى مجال هيجيب فلوس
فيه وظائف بيشتغلها بعض الجنسيات من غير المصريين ومنها الخدم وعمال النظافه وماشابه ودى مرتباتها قليلة جدا توصل 70 دينار
وفيه وظائف البائعين بقى فى المحلات والمطاعم الخ ودا بيكون مرتباتها 150 دينار ويزيد حسب المكان
بعد كدا فيه وظائف الوزارات ودى حسب الوزاره اللى بتشتغل فيها ومرتبات من 200 او 250 ويزيد
وبعد كدا فيه القطاع الخاص بقى وكل شخص حسب امكانياته ونصيبه, يعنى ممكن الشخص الجامعى يبدأ بمرتب 200 وبعدين يبدأ يزيد
اكثر الوظائف المتاحه فى الكويت هى خدمة العملاء والتسويق والسكرتاريه وبرضه جميع التخصصات مطلوبة وبتشتغل
الدخول الى الكويت
الدخول للكويت مش سهل شوية بس ممكن, يقدر اى رجل مرتبه مسجل فى ادارة العمل بانه 250 دينار او يزيد يقدر انه يعمل اقامه لزوجته وابنائه ويعيشوا معاه فى الكويت عادى ودى تسمى ( التحاق بعائل)اما بالنسبه للسيدات فاللى تقدر تعمل كدا هى المدرسة فقط
بالنسبة للطرق الاخرى فالاكيد والاوضح هو الزياره التجاريه ودى قوانينها متغيره كل شوية بس الاساسى هو ان الشركه اللى عايزاك تشتغل عندها بتبعت لك زياره تجاريه لمده شهر قابله للتجديد شهر واحد ثم من بعدها لازم نفس الشركه تعمل لك اقامه سنه او اتنين ودا طبعا بيفتح مجال لبيع الاقامات اللى كلنا نسمع عنه,ومن المتعارف عليه ان سعر الاقامه ما يقارب 1200 دينار قابله للزياده والنقصان, اما مجرد الزياره فقط فهى تكلف 200 دينار ومن وجهة نظرى هى غير مفيده لوحدها, لا بد من اقامة
التأمين الصحى والمستشفيات
كل وافد الى الكويت وله اقامة لابد من ان يكون له تأمين صحى ودا بالطبع بيكون على حساب الشركه اللى بيشتغل فيها,والتأمين دا بيسمح له انه يزور المستوصف اللى تابع له محل سكنه وبدينار واحد يقدر يكشف وياخد العلاج وكمان لو فيه متابعه او حقن بتكون مجانية
فى المستوصف بيكشف عليك الطبيب ولو لقى انك محتاج شىء تخصصى يقوم بتحويلك الى المستشفى المتخصص بالمرض دا زى مثلا مستشفى خاصه بالعظام والكسور ومستشفى الولادة ومستشفيات عامه اخرى
الاكل والشرب واللبس واحتياجات المنزل
المثل المصرى اللى بيقول (محدش بينام من غير عشاء ) يعتبر مطبق فى الكويت لان الاكل مهما كان غالى فهو فى متناول الجميع بجميع انواعه تقريبا, اصل الفقير هنا مش بالاكل ولا بالشرب, اللى بيعمل مشاكل للناس هو السكن الغالى مش الاكل
تقدر تشترى اكلك من الجمعيات فيها الخضار والفاكهة طازة دايما وكمان فيه سوق الشبره دا بيبقى فيه الاسعار رخيصه برضه وكمان فيه الهايبر ماركت المحترمه من امثال كارفور ومركز سلطان وجيان واخرين
اما الشباب بقى اللى مش بيطبخ كتير فسهل جداااا يلاقى اكل من المطاعم ويعتبر رخيص برضه, وتقدر تلاقى فول وفلافل وشاورما وكل شىء, غير بقى انك تلاقى المطاعم الصينيه والهنديه والعربية وماشابه
والمطاعم الماركات بجميع انواعها موجودة امثال ماكدونالدز وهارديز الخ وكمان الكافيهات والمقاهى موجودة بكثرة
اما اللبس فهو موجود وبكثره برضه, ممكن ماركات من محلات كتيره ومش غاليه جدا جدا برضه وممكن من المحلات العادية واللى هنا اسمها اسواق زى سوق المحاميد وما شابه , بس احلى حاجة ان دايما فيه عروض وبتعمل خصومات هائله جدا وتقدر تشترى حاجات ماركات بسعر محترم جداااااا
احتياجات البيت بقى فدى برضه لها اماكنها,ممكن تشترى من الهايبر ماركت عادى وممكن من الجمعيات وفيه بقى سوق الحراج الجديد والحراج القديم ودول فيهم لبس واحتياجات المطبخ واجهزته كلها وفرش البيت من غرف النوم والانتريهات وماشابه وكمان فيه سوق الرى ودا منه تشترى الغرف برضه
فيه كمان الشركات الضخمه زى اليكترونات الغانم والبابطين
الترفيه
بخصوص الترفيه فدا محدود جدا فى الكويت ولهذا اهل الكويت دائما يذهبون فى رحلات الى مصر واوروبا
اما داخل الكويت فالترفيه الاساسى هو البحر او الخليج يعنى, وكمان فيه المدينه الترفيهيه واكوا بارك وحاجات تانيه برضه
الاتصالات والانترنت
الاتصالات هنا غاليه جداااااا بس المميز هنا ان استخدام التليفون الارضى مجانى, تدفع اشتراك سنوى 30 دينار وتستخدم التليفون عادى بدون اى حسابات اخرى
اما بخصوص الموبايلات ففيه شركه زين ودى تبع فودافون يعنى وفيه الوطنية وفيه فيفا واظن كلهم احسن من بعض
بخصوص شركات الانترنت بقى فدا بدأ يبقى رخيص شوية بمقارنه بسنين فاتت, هناك اربع شركات انترنت
فاست تليكو وكواليتى نت ويونايتد وجلف نت,,, تقدر بمبلغ 100 دينار يكون عندك اشتراك 512 وراوتر وفيه اوقات العروض السعر بيكون ارخص من كدا بكتيررررررر
مشكوك به
معلومات من ويكيبيديا
دولة الكويت، دولة تقع في الركن الشمالي الغربي للخليج العربي الذي يحدها من الشرق، ويحدها من الشمال والغرب جمهورية العراق ومن الجنوب المملكة العربية السعودية، وتبلغ مساحتها الإجمالية 17,818 كيلومتر مربع ( مساحه الغردقه تقريبا) بإجمالي عدد السكان يزيد عن الثلاثة ملايين نسمة،( السكان من اهل الكويت ومن الوافدين الاجانب يعنى )(تقريبا نفس سكان المنوفية ) وترجع تسمية الكويت إلى تصغير لفظ "كوت" أي "اكويت"، وتعني كلمة كوت الحصن أو القلعة وقد شيد بالقرب من الساحل في القرن السابع عشر ميلادي.
السكان
يعيش فى الكويت من اهلها حوالى المليون والنصف والباقيين ( 2 مليون ) من الوافدين,والكويتى هو من يحمل شهادة الجنسيه الكويتية وهما متنوعين, فمنهم من حصل عليها عن طريق التأسيس يعنى كان موجود وقت تأسيس الدولة, ومنهم من حصل عليها عن طريق التجنيس, وللعلم الجنسيه الكويتيه لا يمكن الحصول عليها الا بشروط قاسيه جدا تكاد لا تنطبق على احد, وايضا لا يمكن للكويتى ان يحصل على جنسيه اخرى والا تسحب منه الجنسيه الكويتية
اما الوافدون فهم من كل جنسيات العالم وعلى رأسهم الجاليه المصرية والجاليه الهندية ومن بعدهم الفلبينيين والبنغال والامريكان والسوريين واللبنانيين والعراقيين واخرون
السكن والمناطق
تنقسم الكويت الى 6 محافظات وكل محافظة تنقسم الى عده مناطق, والاكثر شعبيه هى المناطق, حيث ان كل شخص يعرف منطقته جيدا وقد يكون لا يعرف اى محافظة يتبع.
اما المناطق تنقسم الى مناطق للكويتيين ومناطق للغير كويتيين,, مناطق الكويتيين كلها فلل تقريبا
مناطق الغير كويتيين مليئه بالعمارات وتقريبا كل عماره 10 ادوار ومن المعروف ان كل عماره يحيط بها اكتر من 2 بقال وجاهزين كمان يوصلوا لك طلباتك ديلفيرى ,وكمان بيبقى قريب منك جمعيه استهلاكيه تقدر تشترى منها اكلك وشربك وكل حاجة تقريبا ممكن تحتاجها
انا عايش فى منطقه السالمية وماشاء الله هى من اجمال مناطق الكويت وخاصه قربها من الخليج ( البحر) يعنى عامل لها جو جميل
اغلى شىء فى الكويت هو ايجار الشقق ودا حسب المنطقة طبعا, معظم الشقق هنا هى اوضه وصاله وبيكون اشتراك المياه والكهرباء والصيانه على صاحب العماره, ودا طبعا بيختلف من عماره لاخرى
التنقلات والمواصلات
من السهل جدا انك توصل اى مكان فى الكويت وبسهولة, كل الطرق لها ارقام واسماء معروفه سواء كانت الطرق الكبيره السريعه او الشوارع الصغيرة بين العمارات
التنقل فى الكويت بيتم عن طريق سيارتك الخاصه او الاوتوبيسات او التاكسى
السياره الخاصه سهل تجيبها فى الكويت بس الشىء الصعب هو الحصول على رخصه القيادة ودى حلم ليا ولكثيرين
الاوتوبيسات بقى عباره عن شركتين ,شركه كى بى تى سى ودى حكومية واخرى شركه سيتى باص ودى خاصه والاتنين احسن من بعض والحمدلله, انا بفضل سيتى باص, والاتنين سعرهم واحد وهو 200 فلس للتذكرة
اما التاكسى بقى فهو موجود دايما ومعظم السائقين من المصريين والسوريين والهنود والايرانيين ورأيي فى التاكسى انه اكتر شىء بياكل فلوس من الواحد :)
العمل
الحمدلله يتواجد فى الكويت وظائف كتير بس المهم تكون بتناسبك او مستعد تخليها تناسبك, يعنى الشغل هنا فى اى مجال هيجيب فلوس
فيه وظائف بيشتغلها بعض الجنسيات من غير المصريين ومنها الخدم وعمال النظافه وماشابه ودى مرتباتها قليلة جدا توصل 70 دينار
وفيه وظائف البائعين بقى فى المحلات والمطاعم الخ ودا بيكون مرتباتها 150 دينار ويزيد حسب المكان
بعد كدا فيه وظائف الوزارات ودى حسب الوزاره اللى بتشتغل فيها ومرتبات من 200 او 250 ويزيد
وبعد كدا فيه القطاع الخاص بقى وكل شخص حسب امكانياته ونصيبه, يعنى ممكن الشخص الجامعى يبدأ بمرتب 200 وبعدين يبدأ يزيد
اكثر الوظائف المتاحه فى الكويت هى خدمة العملاء والتسويق والسكرتاريه وبرضه جميع التخصصات مطلوبة وبتشتغل
الدخول الى الكويت
الدخول للكويت مش سهل شوية بس ممكن, يقدر اى رجل مرتبه مسجل فى ادارة العمل بانه 250 دينار او يزيد يقدر انه يعمل اقامه لزوجته وابنائه ويعيشوا معاه فى الكويت عادى ودى تسمى ( التحاق بعائل)اما بالنسبه للسيدات فاللى تقدر تعمل كدا هى المدرسة فقط
بالنسبة للطرق الاخرى فالاكيد والاوضح هو الزياره التجاريه ودى قوانينها متغيره كل شوية بس الاساسى هو ان الشركه اللى عايزاك تشتغل عندها بتبعت لك زياره تجاريه لمده شهر قابله للتجديد شهر واحد ثم من بعدها لازم نفس الشركه تعمل لك اقامه سنه او اتنين ودا طبعا بيفتح مجال لبيع الاقامات اللى كلنا نسمع عنه,ومن المتعارف عليه ان سعر الاقامه ما يقارب 1200 دينار قابله للزياده والنقصان, اما مجرد الزياره فقط فهى تكلف 200 دينار ومن وجهة نظرى هى غير مفيده لوحدها, لا بد من اقامة
التأمين الصحى والمستشفيات
كل وافد الى الكويت وله اقامة لابد من ان يكون له تأمين صحى ودا بالطبع بيكون على حساب الشركه اللى بيشتغل فيها,والتأمين دا بيسمح له انه يزور المستوصف اللى تابع له محل سكنه وبدينار واحد يقدر يكشف وياخد العلاج وكمان لو فيه متابعه او حقن بتكون مجانية
فى المستوصف بيكشف عليك الطبيب ولو لقى انك محتاج شىء تخصصى يقوم بتحويلك الى المستشفى المتخصص بالمرض دا زى مثلا مستشفى خاصه بالعظام والكسور ومستشفى الولادة ومستشفيات عامه اخرى
الاكل والشرب واللبس واحتياجات المنزل
المثل المصرى اللى بيقول (محدش بينام من غير عشاء ) يعتبر مطبق فى الكويت لان الاكل مهما كان غالى فهو فى متناول الجميع بجميع انواعه تقريبا, اصل الفقير هنا مش بالاكل ولا بالشرب, اللى بيعمل مشاكل للناس هو السكن الغالى مش الاكل
تقدر تشترى اكلك من الجمعيات فيها الخضار والفاكهة طازة دايما وكمان فيه سوق الشبره دا بيبقى فيه الاسعار رخيصه برضه وكمان فيه الهايبر ماركت المحترمه من امثال كارفور ومركز سلطان وجيان واخرين
اما الشباب بقى اللى مش بيطبخ كتير فسهل جداااا يلاقى اكل من المطاعم ويعتبر رخيص برضه, وتقدر تلاقى فول وفلافل وشاورما وكل شىء, غير بقى انك تلاقى المطاعم الصينيه والهنديه والعربية وماشابه
والمطاعم الماركات بجميع انواعها موجودة امثال ماكدونالدز وهارديز الخ وكمان الكافيهات والمقاهى موجودة بكثرة
اما اللبس فهو موجود وبكثره برضه, ممكن ماركات من محلات كتيره ومش غاليه جدا جدا برضه وممكن من المحلات العادية واللى هنا اسمها اسواق زى سوق المحاميد وما شابه , بس احلى حاجة ان دايما فيه عروض وبتعمل خصومات هائله جدا وتقدر تشترى حاجات ماركات بسعر محترم جداااااا
احتياجات البيت بقى فدى برضه لها اماكنها,ممكن تشترى من الهايبر ماركت عادى وممكن من الجمعيات وفيه بقى سوق الحراج الجديد والحراج القديم ودول فيهم لبس واحتياجات المطبخ واجهزته كلها وفرش البيت من غرف النوم والانتريهات وماشابه وكمان فيه سوق الرى ودا منه تشترى الغرف برضه
فيه كمان الشركات الضخمه زى اليكترونات الغانم والبابطين
الترفيه
بخصوص الترفيه فدا محدود جدا فى الكويت ولهذا اهل الكويت دائما يذهبون فى رحلات الى مصر واوروبا
اما داخل الكويت فالترفيه الاساسى هو البحر او الخليج يعنى, وكمان فيه المدينه الترفيهيه واكوا بارك وحاجات تانيه برضه
الاتصالات والانترنت
الاتصالات هنا غاليه جداااااا بس المميز هنا ان استخدام التليفون الارضى مجانى, تدفع اشتراك سنوى 30 دينار وتستخدم التليفون عادى بدون اى حسابات اخرى
اما بخصوص الموبايلات ففيه شركه زين ودى تبع فودافون يعنى وفيه الوطنية وفيه فيفا واظن كلهم احسن من بعض
بخصوص شركات الانترنت بقى فدا بدأ يبقى رخيص شوية بمقارنه بسنين فاتت, هناك اربع شركات انترنت
فاست تليكو وكواليتى نت ويونايتد وجلف نت,,, تقدر بمبلغ 100 دينار يكون عندك اشتراك 512 وراوتر وفيه اوقات العروض السعر بيكون ارخص من كدا بكتيررررررر
